Şamaxı Rayon İcra Hakimiyyətinin və Dağlıq Şirvan Regional Mədəniyyət İdarəsinin birgə təşkilatçılığı ilə Azərbaycan satirik şeirinin ustadı Mirzə Ələkbər Sabirin anadan olmasının 162 illiyi ilə əlaqədar tədbir keçirilib.
Öncə tədbir iştirakçıları M.Ə.Sabirin məzarını ziyarət edib, önünə tər çiçəklər düzüblər. Şamaxı Rayon İcra Hakimiyyətinin başçısı Tahir Məmmədov və Dağlıq Şirvan Regional Mədəniyyət İdarəsinin rəisi Vasif Qurbanzadə və digər çıxış edənlər şairin yaradıcılığı və ədəbi mühitə təsiri barədə danışıblar.
Rayon mədəniyyət mərkəzində davam edən tədbirdə AYB-nin Şirvan şöbəsinin şairləri müxtəlif mövzularda yazdıqları yeni şeirlərini səsləndiriblər və mədəniyyət mərkəzinin bədii kollektivləri çıxış ediblər.
