İkinci Nəsimi festivalı çərçivəsində sentyabrın 29-da Şamaxının Meysəri kəndində daha bir tədbirin iştirakçısı oluruq. Nəsimi poeziyası üzərində muğam konserti iştirakçıların böyük marağına səbəb olur. Hər kəs unudulmaz anlar yaşayır. İfaçıların bir-birindən gözəl və peşəkarlıqla səsləndirdikləri muğamlar mütəfəkkir şairin böyüklüyünün əsl təqdimatının daha bir nümunəsi təsiri bağışlayır.
...Konsert sona yetir. Uuznmüddətli səssizlikdən sonra gurultulu alqış sədaları hər yanı bürüyür. Bu, həm də şairin ruhuna ehtiram idi.
